Pythagora Oratio, ab Esu Carnium dehortans.
VIR fuit hic ortu Samius: sed fugerat una Et Samon et dominos; odioque tyrannidis exsul Sponte erat. Isque, licet cœli regione remotos, Mente Deos adiit: et, quæ natura negabat Visibus humanis, oculis ea pectoris hausit. Cumque animo, et vigili perspexerat omnia cura; In medium discenda dabat: cœtumque silentûm, Dictaque mirantûm, magni primordia mundi, Et rerum causas, et quid natura, docebat; Quid Deus: unde nives: quæ fulminis esset origo: Jupiter, an venti, discussa nube tonarent; Quid quateret terras: qua sidera lege mearent; Et quodcunque latet. Primusque animalia mensis Arcuit imponi: primus quoque talibus ora Docta quidem solvit, sed non et credita, verbis:
Parcite, mortales, dapibus temerare nefandis Corpora. Sunt fruges: sunt deducentia ramos Pondere poma suo, tumidæque in vitibus uvæ: Sunt herbæ dulces: sunt, quæ mitescere flamma, Mollirique queant. Nec vobis lacteus humor Eripitur, nec mella thymi redolentia florem. Prodiga divitias alimentaque mitia tellus
Suggerit: atque epulas sine cæde et sanguine præbet. Carne feræ sedant jejunia; nec tamen omnes.
Quippe equus, et pecudes, armentaque gramine vivunt. At quibus ingenium est immansuetumque, ferumque, Armeniæque tigres, iracundique leones,
Cumque lupis ursi, dapibus cum sanguine gaudent. Heu quantum scelus est, in viscera viscera condi, Congestoque avidum pinguescere corpore corpus; Alteriusque animantem animantis vivere leto! Scilicet in tantis opibus, quas optima matrum Terra parit, nil te nisi tristia mandere sævo Vulnera dente, juvat, ritusque referre Cyclopum! Nec, nisi perdideris alium, placare voracis, Et male morati poteris jejunia ventris!
At vetus illa ætas, cui fecimus Aurea nomen, Fœtibus arboreis, et, quas humus educat, herbis, Fortunata fuit: nec polluit ora cruore.
Tunc et aves tutæ movêre per aëra pennas; Et lepus impavidus mediis erravit in agris: Nec sua credulitas piscem suspenderat hamo: Cuncta sine insidiis, nullamque timentia fraudem, Plenaque pacis erant. Postquam non utilis auctor Victibus invidit, (quisquis fuit ille virorum) Corporeasque dapes avidam demersit in alvum; Fecit iter sceleri: primaque e cæde ferarum Incaluisse putem maculatum sanguine ferrum; Idque satis fuerat: nostrumque petentia letum Corpora missa neci, salva pietate fatemur: Sed quam danda neci, tam non epulanda fuerunt. Longius inde nefas abiit: et prima putatur Hostia sus meruisse mori; quia semina pando Eruerit rostro, spemque interceperit anni. Vite caper morsa Bacchi mactandus ad aras Ducitur ultoris. Nocuit sua culpa duobus.
Quid meruistis, oves, placidum pecus, inque tuendos Natum homines, pleno qu fertis in ubere nectar? Mollia quæ nobis vestras velamina lanas
Præbetis: vitaque magis, quam morte juvatis. Quid meruêre boves, animal sine fraude dolisque, Innocuum, simplex, natum tolerare labores? Immemor est demum, nec frugum munere dignus, Qui potuit curvi dempto modo pondere aratri Ruricolam mactare suum: qui trita labore Illa, quibus toties durum renovaverat arvum, Tot dederat messes, percussit colla securi. Nec satis est, quod tale nefas committitur: ipsos Inscripsêre Deos sceleri: numenque supernum Cæde laboriferi credunt gaudere juvenci. Victima labe carens, et præstantissima forma, (Nam placuisse nocet) vittis præsignis et auro, Sistitur ante aras; auditque ignara precantem: Imponique suæ videt inter cornua fronti,
Quas coluit fruges: percussaque sanguine cultros Inficit in liquida prævisos forsitan unda. Protinus ereptas viventi pectore fibras
Inspiciunt: mentesque Deûm scrutantur in illis. Unde fames homini vetitorum tanta ciborum? Audetis vesci, genus O mortale? quod, oro, Ne facite: et monitis animos advertite nostris. Cumque boum dabitis cæsorum membra palato; Mandere vos vestros scite et sentite colonos.
Et quoniam Deus ora movet; sequar ora moventem Rite Deum; Delphosque meos, ipsumque recludam Æthera; et augustæ reserabo oracula mentis.
Magna, nec ingeniis evestigata priorum,
Quæque diu latuêre, canam. Juvat ire per alta e Astra: juvat, terris, et inerti sede relictis, Nube vehi; validique humeris insistere Atlantis: Palantesque animos passim, ac rationis egentes na Despectare procul, trepidosque obitumque timentes Sic exhortari; seriemque evolvere fați.
Euphorbus in Pythagoram, et quod cuncta rerum temporibus mutentur. FAB. III.
O GENUS attonitum gelidæ formidine mortis, Quid Styga, quid tenebras, quid nomina vana timetis, Materiem vatum, falsique piacula mundi?.
Corpora sive rogus flamma, seu tabe vetustas Abstulerit, mala posse pati non ulla putetis. Morte carent animæ: semperque, priore relicta Sede, novis habitant domibus vivuntque receptæ. Ipse ego (nam memini) Trojani tempora belli Panthoïdes Euphorbus eram; cui pectore quondam Sedit in adverso gravis hasta minoris Atridæ. Cognovi clypeum lævæ gestamina nostræ Nuper Abanteïs templo Junonis in Argis. Omnia mutantur: nihil interit. Errat, et illinc Huc venit, hinc illuc, et quoslibet occupat artus Spiritus: eque feris humana in corpora transit, Inque feras noster: nec tempore deperit ullo. Utque novis fragilis signatur cera figuris,
Nec manet ut fuerat, nec formas servat easdem;
Sed tamen ipsa eadem est: animam sic semper eandem
Esse, sed in varia's doceo migrare figuras,
Ergo, ne pietas sit victa cupidine ventris, Parcite (vaticinor) cognatas cæde nefanda Exturbare animas: nec sanguine sanguis alatur. Et quoniam magno feror æquore, plenaque ventis Vela dedi; nihil est toto quod perstet in orbe. Cuncta fluunt: omnisque vagans formatur imago. Ipsa quoque assiduo labuntur tempora motu
Non secus ac flumen. Neque enim consistere flumen, Nec levis hora potest: sed ut unda impellitur unda, Urgeturque prior veniente, urgetque priorem; Tempora sic fugiunt pariter, pariterque sequuntur:
Et nova sunt semper. Nam quod fuit ante, relictum est: Fitque, quod haud fuerat: momentaque cuncta novantur. Cernis et emersas in lucem tendere noctes: Et jubar hoc nitidum nigræ succedere nocti. Nec color est idem cœlo, cum lassa quiete Cuncta jacent media; cumque albo Lucifer exit Clarus equo: rursumque alius, cum prævia luci Tradendum Phobo Palantias inficit orbem. Ipse Dei clypeus, terra cum tollitur ima, Mane rubet: terraque rubet, cum conditur ima: Candidus in summo est. Melior natura quod illic Etheris est, terræque procul contagia vitat. Nec par aut eadem nocturnæ forma Dianæ Esse potest unquam: semperque hodierna sequente, Si crescit, minor est; major, si contrahit orbem. Quid? non in species succedere quatuor annum Adspicis, ætatis peragentem imitamina nostræ? Nam tener, et lactens, puerique simillimus ævo Vere novo est. Tunc herba nitens, et roboris expers Turget, et insolida est; et spe delectat agrestem. Omnia tum florent: florumque coloribus almus Ridet ager: neque adhuc virtus in frondibus ulla est. Transit in Estatem, post Ver, robustior annus: Fitque valens juvenis. Neque enim robustior ætas Ulla, nec uberior: nec, quæ magis æstuet, ulla est. Excipit Autumnus, posito fervore juventæ Maturus, mitisque inter juvenemque senemque; Temperie medius, sparsis per tempora canis. Inde senilis Hyems tremulo venit horrida passu; Aut spoliata suos, aut, quos habet, alba capillos. Nostra quoque ipsorum semper, requieque sine ulla Corpora vertuntur: nec, quod fuimusve, sumusve, Cras erimus. Fuit illa dies, qua seminą tantum,' Spesque hominum primæ materna habitavimus alvó. Artifices Natura manus admovit: et angi
« ΠροηγούμενηΣυνέχεια » |