Εικόνες σελίδας
PDF
Ηλεκτρ. έκδοση

Veni, Creator Spiritus

1

Veni, pater pauperum,

Veni, dator munerum,

Veni, lumen cordium.

Consolator optime,
Dulcis hospes animæ,
Dulce refrigerium.

In labore requies,
In æstu temperies,
In fletu solatium.

O lux beatissima!
Reple cordis intima,
Tuorum fidelium.

Sine tuo numine,
Nihil est in homine,

Nihil est innoxium.

Lava quod est sordidum,
Riga quod est aridum,
Sana quod est saucium,

Flecte quod est rigidum,
Fove quod est frigidum,
Rege quod est devium.

Da tuis fidelibus,
In te confidentibus,
Sacrum septenarium;

Da virtutis meritum,
Da salutis exitum,

Da perenne gaudium!

3573

Robert II. of France (971-1031]

VENI, CREATOR SPIRITUS

*

VENI, Creator Spiritus,

Mentes tuorum visita,

Imple superna gratia,

Quæ tu creasti pectora.

*For a translation of this poem see page 3532.

Qui diceris Paraclitus,
Altissimi donum Dei,
Fons vivus, ignis, caritas,
Et spiritalis unctio.

Tu septiformis munere,
Dextræ Dei tu digitus,
Tu rite promissum Patris,
Sermone ditans guttura.

Accende lumen sensibus,

Infunde amorem cordibus,

Infirma nostri corporis

Virtute firmans perpeti.

Hostem repellas longius,

Pacemque dones protinus:
Ductore sic te prævio
Vitemus omne noxium.

Per te sciamus da Patrem,
Noscamus atque Filium;
Te utriusque Spiritum
Credamus omni tempore.

Deo Patri sit gloria
Et Filio qui a mortuis
Surrexit, ac Paraclito,
In sæculorum sæcula.

St. Gregory the Great (?) [540?-604]

URBS SYON AUREA *

From Hora Novissima

URBS SYON aurea,

Patria lactea,

Cive decora,

Omne cor obruis,

Omnibus obstruis

Et cor et ora.

* For a paraphrase of this poem see page 3445.

Urbs Syon Aurea

Nescio, nescio,

Quæ jubilatio,

Lux tibi qualis,

Quàm socialia

Gaudia, gloria

Quàm specialis.

Laude studens ea
Tollere, mens mea
Victa fatiscit:

O bona gloria,
Vincor; in omnia

Laus tua vicit.

Sunt Syon atria

Conjubilantia,

Martyre plena,

Cive micantia,
Principe stantia;

Luce serena;

Est ibi pascua,

Mitibus afflua,

Præstita sanctis.

Regis ibi thronus,

Agminis et sonus

Est epulantis.

Gens duce splendida,

Concio candida

Vestibus albis

Sunt sine fletibus

In Syon ædibus,
Edibus almis;

Sunt sine crimine,

Sunt sine turbine,

Sunt sine lite

In Syon ædibus

Editioribus

Israëlitae.

Urbs Syon inclyta,

Gloria debita

Glorificandis,

3575

Tu bona visibus
Interioribus

Intima pandis:

Intima lumina,

Mentis acumina

Te speculantur,

Pectora flammea

Spe modò, postea

Forte lucrantur.

Bernard of Cluny [1122?-1156?]

URBS BEATA HIERUSALEM

URBS beata Hierusalem,

Dicta Pacis Visio,
Quæ construitur in cœlis
Vivis ex lapidibus,
Et ab angelis ornata,
Ut sponsata comite.

Nova veniens e cœlo,
Nuptiali thalamo
Præparata, ut sponsata

Copuletur Domino;
Plateæ et muri ejus

Ex auro purissimo.

Portæ nitent margaritis,
Adytis patentibus;

Et virtute meritorum

Illuc introducitur

Omnis qui ob Christi Nomen

Hoc in mundo premitur.

Tunsionibus, pressuris

Expoliti lapides

Suis coaptantur locis

Per Manum Artificis;

Disponuntur permansuri

Sacris ædificiis.

*

*For a paraphrase of this poem see page 3446.

Persicos Odi

Gloria et honor Deo
Usquequo Altissimo,
Una Patri, Filioque,
Inclyto Paraclito,

Cui laus est et potestas

Per æterna sæcula.

3577

Unknown

VIVAMUS, MEA LESBIA*

VIVAMUS, mea Lesbia, atque amemus,
Rumoresque senum severiorum
Omnes unius æstimemus assis.
Soles occidere et redire possunt:
Nobis, cum semel occidit brevis lux,
Nox est perpetua una dormienda.
Da mi basia mille, deinde centum,
Dein mille altera, dein secunda centum,
Deinde usque altera mille, deinde centum.
Dein, cum milia multa fecerimus,
Conturbabimus illa, ne sciamus,
Aut ne quis malus invidere possit,
Cum tantum sciet esse basiorum.

Gaius Valerius Catullus [87 B. C.?-54 B. C.?]

PERSICOS ODI†

PERSICOS odi,

Puer, apparatus;

Displicent nexæ

Philyrâ coronæ:
Mitte sectari,
Rosa quo locorum

Sera moretur.

Simplici myrto
Nihil allabores

Sedulus, curo:

For a paraphrase of this poem see page 566. †For a paraphrase of this poem see page 1919.

« ΠροηγούμενηΣυνέχεια »