M. S.

THOME ADDIS EMMET.

Qui

Ingenio illustri, studiis altioribus,
Moribus integris,
Dignum

Se præstabat laudibus illis,

Illa reverentia, illo
Amore

Quæ semper eum viventem
Prosequebantur;

Et subita illo erepto, morte
Universæ in luctum civitatis
Se effuderunt.

Quum raro extiterit vir Naturæve dotibus, doctrinæve subsidiis Omnibus illo instructior;

Tum eloquentia, altâ illâ et verâ
Qualem olim mirabantur Roma
Athenæque,

Præcipue alios antiebat:

Gravis, varius, vehemens, fervidus,
Omnes animi motus sic regere norît,
Uti eos qui audirent, quo vellet
Et invitos impelleret.

Hibernia natus.

Dilectam sibi patriam diu subjectam
Alieno, servis tantum ferendo, jugo,
Ad libertatem, ad sua jura vocare
Magno est ausus animo;
At præclara et consilia et vota
Fefellere fata.

Tum infelicis littora Iernæ

Reliquit,

Spe, non animo, dejectus

Nobilis exsul;

Et hac Americana libens Respublica
Illum excepit, civemque, sibi
Gratulans adscivit ;

Dein hæc civitas illi domus,
Hæc patria fuit,

Hæc gloriam illi auxit, hæc
Spiritus ultimos
Recepit.

Mærentium civium voluntas
Hoc exegit monumentum.

Do mhiannaich se ardmáth
Cum tir a breith

Do thug se clu a's fuair se moladh
An deig a bais.

THE END